影片
更多
2024-04-23
22 瀏覽
邊個話嚟九龍城一定要食泰菜㗎？？今日行下行下～同老細搵到間好特別嘅石燒！🥰淨係個裝修已經畀人一種好文青，好舒適嘅感覺～估唔到食物都非常高質！！極上和牛盛會（二人前）🍱前菜：松葉蟹柳…加咗少少柚子醋，酸酸甜甜好開胃。帶子裙邊…個調味同一般日本料理有啲分別，加埋貢菜爽脆惹味～日本甜薯…唔係就咁整熱，而係裹一層脆漿先炸～熱辣辣～好好味！湯：麵豉湯，可以選擇加唔加櫻花蝦乾，好香好好飲！🥗沙律：蔬菜好新鮮，除咗生菜仲有羽衣甘藍，估唔到佢唔係普通麻醬，不過唔知點形容，總之好特別～好好食！！🥩主菜…和牛燒肉拼盤：有三種唔同嘅肉～日本九洲A4和牛三角胸、A4和牛上前腿肉、澳洲和牛封門柳～每種肉都有唔同嘅肉質，個人最愛前腿肉：油花分佈均勻，慢火燒出嚟好軟滑，牛味充足～封門柳：比較有咬口，而且佢厚切，滿足感大增～胸前肉：第一次食，估唔到好軟滑，總之三種肉都好正，份量足夠二人分享！🍚🍜佢可以跟飯（加飯素）或者加$15轉烏冬，我哋每樣叫一個，平衡一下和牛嘅油份！🍹套餐跟$18飲品2杯，我哋叫咗桂花烏龍茶同檸檬茶。估唔到食完燒肉，佢上多一個日式茶～🥰淨係賣相已經加曬分🥳🥳個杯好靚🎏，入面條錦鯉栩栩如生！！😍🍨甜
邊個話嚟九龍城一定要食泰菜㗎？？今日行下行下～同老細搵到間好特別嘅石燒！🥰淨係個裝修已經畀人一種好文青，好舒適嘅感覺～估唔到食物都非常高質！！
極上和牛盛會（二人前）
🍱前菜：
松葉蟹柳…加咗少少柚子醋，酸酸甜甜好開胃。
帶子裙邊…個調味同一般日本料理有啲分別，加埋貢菜爽脆惹味～
日本甜薯…唔係就咁整熱，而係裹一層脆漿先炸～熱辣辣～好好味！
湯：麵豉湯，可以選擇加唔加櫻花蝦乾，好香好好飲！
🥗沙律：
蔬菜好新鮮，除咗生菜仲有羽衣甘藍，估唔到佢唔係普通麻醬，不過唔知點形容，總之好特別～好好食！！
🥩主菜…和牛燒肉拼盤：有三種唔同嘅肉～日本九洲A4和牛三角胸、A4和牛上前腿肉、澳洲和牛封門柳～每種肉都有唔同嘅肉質，個人最愛前腿肉：油花分佈均勻，慢火燒出嚟好軟滑，牛味充足～封門柳：比較有咬口，而且佢厚切，滿足感大增～胸前肉：第一次食，估唔到好軟滑，總之三種肉都好正，份量足夠二人分享！
🍚🍜佢可以跟飯（加飯素）或者加$15轉烏冬，我哋每樣叫一個，平衡一下和牛嘅油份！
🍹套餐跟$18飲品2杯，我哋叫咗桂花烏龍茶同檸檬茶。估唔到食完燒肉，佢上多一個日式茶～🥰淨係賣相已經加曬分🥳🥳個杯好靚🎏，入面條錦鯉栩栩如生！！😍
🍨甜品：雲尼拿雪糕，灑上玫瑰花乾～不過最過癮嘅係，佢比埋成set抹茶比你自己調茶，淋埋落去雪糕一齊食～好得意！😍🥰
🍺呢度仲搞緊啤酒競飲活動，只要你响限時（男：7秒～女：9秒）飲完一罐330ml啤酒就free 比你～有免費酒，我當然挑機啦！！好彩啱啱夠快！！🥰🍺
張貼
