影片
更多
2014-12-08
187 瀏覽
早前經過美心西餅見到佢哋為慶祝Hello Kitty 40週年，特別隆重推出依個獨家嘅Hello Kitty & Sanrio Characters系列蛋糕同甜品，身邊好多親戚嘅細路或朋友都喺佢哋嘅粉絲，睇見都開心死，啱啱就有幸收到公關送嚟一套甜品杯，正好喺親友家作客時一同共享，走進Hello Kitty & Sanrio Characters嘅甜蜜世界 。今次嘅系列，唔單止有Hello Kitty及My Melody嘅立體造型蛋糕（$188 / 個），仲有多款別注版甜品杯（$32 / 杯）、Hello Kitty摩天輪甜品套裝（$138 / 套）。立體造型蛋糕造型非常吸引，猶如帶咗個Hello Kitty或My Melody返屋企 。別注版甜品杯喺繼之前一系列以迪士尼立體甜品杯嘅延續，而今次主角換晒Hello Kitty & Sanrio Characters為主角，每款化身成唔同嘅「生果」杯，外型趣緻可愛，鬼馬生動 ，當中蘊藏不同味道嘅布丁或奶凍配啫喱，食完之外，個公仔杯又可作為收藏，當擺設又得，載吓飾物又得 。4款味道分別喺意式奶凍黑加倫子啫喱（My Melody車厘子杯
今次嘅系列，唔單止有Hello Kitty及My Melody嘅立體造型蛋糕（$188 / 個），仲有多款別注版甜品杯（$32 / 杯）、Hello Kitty摩天輪甜品套裝（$138 / 套）。立體造型蛋糕造型非常吸引，猶如帶咗個Hello Kitty或My Melody返屋企 。
別注版甜品杯喺繼之前一系列以迪士尼立體甜品杯嘅延續，而今次主角換晒Hello Kitty & Sanrio Characters為主角，每款化身成唔同嘅「生果」杯，外型趣緻可愛，鬼馬生動 ，當中蘊藏不同味道嘅布丁或奶凍配啫喱，食完之外，個公仔杯又可作為收藏，當擺設又得，載吓飾物又得 。
4款味道分別喺意式奶凍黑加倫子啫喱（My Melody車厘子杯）、意式奶凍青檸啫喱（Kerokerokeroppi西瓜杯）、芒果布丁（Pom Pom Purin桔仔杯）及意式奶凍菠蘿啫喱（Hello Kitty蘋果杯）。我同老婆試咗My Melody車厘子杯同Kerokerokeroppi西瓜杯，其他味道則由其他人品嚐。
意式奶凍黑加倫子啫喱（My Melody車厘子杯）My Melody杯內上層喺意式奶凍，下層喺黑加倫子啫喱，再加少少蜜桃片、菠蘿片及藍莓做裝飾，不過，第一個問題竟然喺黑加倫子啫喱變成菠蘿啫喱，估計因為My Melody杯同Hello Kitty杯同喺紅色，錯手對亂咗。意式奶凍做得夠軟滑富奶香，啫喱就清甜而夠彈性，可是，個人覺得奶凍跟啫喱唔算太夾。
意式奶凍青檸啫喱（Kerokerokeroppi西瓜杯）Keroppi個西瓜杯造型真喺好得意，依次就意式奶凍配青檸啫喱，青檸啫喱比菠蘿啫喱更清新，檸味突出，酸爽怡人；但始終都仲喺覺得個質感上唔太融和，因為一個軟滑，一個挺彈！
依家仲有個推廣啱晒吉蒂迷，就喺凡購買 Hello Kitty & Sanrio Characters 系列蛋糕或甜品滿 $188 或以上，以$78換購價拎走Maxim’s Cake x Hello Kitty限量保溫壺（原價價值$228） ，經典造型，又成為貓迷列入收藏之列 ！
張貼
