魂 (已搬遷) 新店位置

響附近開工未夠鐘, 搵個地下食D野先, 見呢間拉麵鋪幾特式, 一於入去試下.入到去原來係得獎熱店, 仲拎左好多TIM, 感覺良好.睇睇有咩食先, 主要有4款拉麵, 亦同好多拉麵鋪咁有得選擇麵既軟硬度等.最後揀左招牌野"魂"($89), 即係豚骨湯义燒拉麵, 麵質要左中試試, 一咬拉麵好爽口彈牙, 好有質感, 湯好濃濃既豬骨味, 唔咸好正. 义燒都幾厚, 肥瘦平均唔錯, 唔會食到起渣, 溏心蛋夠溏心.