熊拉麵 (白加士街)

營業中

休息中

自從有一次去台灣旅行，食過花月嵐拉麵之後，一直都念念不忘。直到有一次經過佐敦白加士街見到熊拉麵，呢間舖頭亦都有得食魚介湯嘅拉麵，一直都想去試下，結果，今日終於搵到機會可以去試下這款魚介湯拉麵，同我之前食嘅魚介湯拉麵味道係唔係一樣了。今日大約4點去到熊拉麵，可能因為係下午4點多，店裡只有一枱客人堂食。我坐左係吧枱前面，好快咁揀好我要嘅拉麵，魚介湯底，火炙肥叉燒，普通硬度嘅麵，要走蔥，唔包餐飲，需要單點。落左order之後，大約等左5分鐘，熱辣辣，香噴噴嘅拉麵就由職員拎到番面前。拉麵望落去，份量還可以，有一片叉燒，一隻流心蛋，木耳絲。首先試左一口叉燒，叉燒入口即溶，唔會太咸。第二口試拉麵，拉麵煮得剛好，唔會太硬，亦唔會太淋。第三口試了魚介湯底，湯底飲得出冇落味精，亦唔會太咸，味道適中，但唔似花月嵐嘅魚介湯底，相比之下，熊拉麵嘅魚介湯底比較淡口。整體嚟講，偶爾想食拉麵嘅話，熊拉麵係一間唔錯嘅舖頭。