瀛鍋

營業中

休息中

今日到九龍城FD屋企玩，地膽推薦咗哩間港式火鍋店，話位置大，又有包房同兒童樂園，佢地之前好中意過去開party，咁試試啦。有機洛神花茶，好大一杯，兩人share都夠，洛神花酸甜清爽，和火鍋好夾。椒鹽三文魚骨腩，三文魚肉連埋骨一齊炸，魚肉鮮甜骨頭脆口，再落埋少少椒鹽，好惹味。菜膽鮮魚濃湯鍋，侍應話煲滾可以先飲碗湯。魚湯奶白濃郁，係落足料煲制，飲落魚味好重好清甜，再落咗胡椒調味，味道層次更加豐富。湯底仲有大量配料，青菜，魚腐同埋豆腐等，食完都飽肚啦。游水海石蚌，現點現切，可以一魚兩食。魚片片得好薄身，同埋冇骨。刺身，魚肉彈牙爽口，火鍋，魚肉軟嫩入口即化，係兩種唔同風味。手切鴛鴦肥牛，肥牛雪花分明，同埋厚切大大一件。微微燙下已經可以食，牛肉入口軟嫩多汁同埋牛味好重，質素好高TIM。鬆脆炸響鈴，響鈴炸得好酥脆，落入魚湯滾兩滾，已經可以食啦。響鈴嗦曬魚湯鮮甜味，食到停唔落口。丸類拼盤，幾種唔同丸類搭配，其中黑墨魚丸最出色。可以食得出墨魚味道，鮮甜又好彈牙。鮮蝦水餃皇，超大一個，差唔多有成隻巴掌大。蝦肉成個落入水餃中，係真材實料。仲要落咗木耳絲同埋豬肉，水餃好豐富。