家賀屋

今次我地就去左位於銅鑼灣嘅【家賀屋】、主打刺身、壽司、定食同燒物嘅居酒屋。最特別係佢哋有各種本鮪部位嘅刺身同壽司。巨峰提子乳酸梳打酒酒味唔會太濃、巨峰提子好香甜。味琳鷄泡魚乾鹹鹹甜甜、送酒一流。壽司叫左本鮪赤身醬油漬壽司同波士頓卷，個人覺得赤身比較一般，但波士頓卷真係不錯，裏面有三文魚、青瓜同cream cheese，係我記憶中comfort food嘅味道。刺身叫左本日限定嘅鰝鰺薄造池魚王刺身同墨魚刺身，池魚王刺身係每日限定、肉質鮮嫩、甘香細膩、入口質感爽脆，完全無魚腥味。墨魚刺身肉質鮮甜軟糯。月見手切本鮪魚腩蓉丼加定食，本鮪魚腩非常肥美、好鮮甜、加埋月見蛋黃非常creamy。用左琥珀赤醋飯、香氣十足。加$45定食包括一份麵、沙律、味增湯同茶碗蒸。CP值非常高、而且質量都完全唔馬虎。燒汁免治雞軟骨棒、肉加軟骨嘅組合非常有口感，加左醬油蛋黃更加鮮味。銀鱈魚西京燒肉質軟嫩、不過有少少多骨。阿波尾酢橘鷄胸脆骨串，個人覺得比較乾、所以遜色少少。西京燒熟成黑豚腩肉、黑豚腩肉有D似港式叉燒、但更加軟霖juicy。