大勝丼 (已結業)

由於疫情關係，基本上去唔到日本🇯🇵旅行，已經有一兩年無食過黑門或者豐州市場食新鮮魚生啦😭，唯有係香港搵吓啲魚生飯😩。今次揀咗呢間係📍旺角都幾出名嘅「大勝丼」。呢到嘅特色係可以自己配搭唔同嘅魚生。最普通嘅食材先最考到一間餐廳嘅功夫，所以小編呢次叫咗三文魚，帆立貝同埋蛋，三文魚腩好肥美，切得唔厚唔薄，魚嘅油脂分布適中，帆立貝大粒又新鮮，甜蛋都唔差。佢跟飯會送埋麵豉湯，加多$20蚊會包埋前菜，沙律，同埋飲品😝，而醋飯可以選擇白醋飯或者紅醋飯，而刺身種類有超過20款，都可以滿足一下大家想食刺身嘅慾望嘅～🥳🥳其實除咗自選之外，佢仲有一啲餐廳推介嘅組合係Menu入邊，方便一啲有選擇困難症嘅朋友😛😛。人均消費：100-150/ head