魚米家魚湯米線 (已結業)

某個星期六的午餐, 與老公兩個人去試下呢家新野!叫左一個魚腐米線撈set(有飲品和小食), 同埋一碗香茅豬扒湯米線。湯米線的湯底唔錯, 魚腐亦好滑。見到餐牌上有「魚腐外賣, 半斤$25」, 仲差d想買返屋企添! 點知.....老公食到最尾幾啖, 將米線撈再翻兩翻, 竟發現一角報紙碎, 大約2X2CM咁大。急call部長啦...佢好似見慣不怪咁喎, 即問:「同你換過一碟好冇?定係cancel左佢丫?」老公都冇mood再食啦, 就叫佢cancel。部長先生跟住就用閃電的手法收回果碟有報紙碎的米線撈, 好明顯係驚我地會影相或留罪證......