林昌記 (已結業)

收工有咩做？梗係醫肚，本來行緊去食豬骨粥，不過經過林昌記，魚蛋控點都要食番兜。香辣魚蛋(大) $20/16粒廿蚊有16粒真係好鬼抵食，魚蛋都係潮州式白魚蛋~香辣魚蛋就係原味魚蛋再由客人自己加上辣油。魚蛋真係好彈牙，唔係講笑！老闆(?)仲話最近有將魚蛋輕輕炸過，所以魚蛋睇落冇以前咁光滑，似月球表面，所以食落皮脆脆地。魚蛋有魚味，冇渣流灘。而香辣就唔屬於好辣，不過的確係好香。老闆(?)好好客！見我地對啲牛丸有興趣，好大方送左4粒連埋牛骨湯俾我地試下~牛丸都堅好食，下次會自己俾錢食，順便食埋咖喱味魚蛋。