靠得住粥麵小館 (奧海城二期)

營業中

休息中

今日過來奧海城睇戲, 支持一下, 見未夠鐘要找地方醫下肚😅 今日落大雨💦天氣涼左d, 不如去吃碗粥暖下胃😻, 上次咸肉粽加粥食唔晒😛今次唔敢再叫😆, 中午有唔同午餐, 今次我揀左魚鮫粥配銀芽炒麵, 唔想食內臟亦唔想食肉, 魚會健康d, 無敢肥😜而且魚鮫唔係成日有, QR code落單, 粥我揀左走蔥同走薑, 炒麵也可以走芽走韭菜, 不過兩樣我都食, 所以無走到, 等左一陣麵先送來, 都唔細碟, 亦炒得好靚, 不過表面看到有d油, 食下先, 食落又唔係好油, 而且係熱, 有芽菜和韭菜, 所以都好香🤗有d麵硬左, 味道也ok, 但底部我無食了🤣 再等左一陣魚粥也到, 食啖粥先, 粥底好香😚😋份量也唔少, 今次d魚唔腥, d魚鮫可能有煎過, 所以表面有d金黃色, 食落又幾香👍🤩 好彩早一步入左座, 之後見到排隊😛 整體味道唔錯, 不過可能真係太忙, 未有比杯水給我, 因為其實有加一服務費😅