影片
更多
2022-09-23
1621 瀏覽
Fuji Omakase $1,980𖦹 Appetizer響螺非常鮮甜而且口感爽脆，超多肉汁。茶碗蒸有太刀魚、松葉蟹、百合，啲蛋滑到布甸咁，很豐富。𖦹 Sashimi鱆紅魚巧妙地以紫蘇花提鮮，更顯肉質嘅軟滑。醬油漬鯖魚嘅外皮經炙燒過後充滿焦香， 完全無腥味。𖦹 Sushi同刺身一樣，左口魚都配返辣蘿蔔，為本來淡味嘅魚肉加添酸甜。小肌非常肥美，魚油豐富；帆立貝彈牙，用左柚子胡椒調味突出其鮮甜； 鰹魚魚邊以禾稈草炙燒過， 提升味道上嘅層次。喉黑脂肪豐腴，魚肉鮮甜，炙燒過後更顯油香。大吞拿魚腩以大廚特制研發出嘅方法 -- 利用日本紀州備長炭代替火炭微熏魚嘅表面，做到入口即溶嘅效果，油香充斥口腔，非常驚喜。之後廚師直接放海膽喺我嘅手背上，避免破壞海膽原有嘅味道，很貼心；赤身以醬油漬嘅方法處理，加上柚子皮，食落格外新鮮；深海星鰻嘅肉質超軟嫩，配上甜醬油汁味道豐富，完全無骨！車海老同昆布湯一齊煮至7成熟加上蝦籽同蝦膏，口感滿分；石垣貝帶淡淡海水味，口感爽脆；三文魚籽丼嘅三文魚籽經醬油漬調味更顯鮮甜，仲帶啲柚子香氣。𖦹 Chef’s Specialties毛蟹非常新鮮，入口鮮甜；鹽麴燒赤鯥魚調味恰
𖦹 Appetizer
響螺非常鮮甜而且口感爽脆，超多肉汁。茶碗蒸有太刀魚、松葉蟹、百合，啲蛋滑到布甸咁，很豐富。
𖦹 Sashimi
鱆紅魚巧妙地以紫蘇花提鮮，更顯肉質嘅軟滑。醬油漬鯖魚嘅外皮經炙燒過後充滿焦香， 完全無腥味。
𖦹 Sushi
同刺身一樣，左口魚都配返辣蘿蔔，為本來淡味嘅魚肉加添酸甜。小肌非常肥美，魚油豐富；帆立貝彈牙，用左柚子胡椒調味突出其鮮甜； 鰹魚魚邊以禾稈草炙燒過， 提升味道上嘅層次。喉黑脂肪豐腴，魚肉鮮甜，炙燒過後更顯油香。大吞拿魚腩以大廚特制研發出嘅方法 -- 利用日本紀州備長炭代替火炭微熏魚嘅表面，做到入口即溶嘅效果，油香充斥口腔，非常驚喜。之後廚師直接放海膽喺我嘅手背上，避免破壞海膽原有嘅味道，很貼心；赤身以醬油漬嘅方法處理，加上柚子皮，食落格外新鮮；深海星鰻嘅肉質超軟嫩，配上甜醬油汁味道豐富，完全無骨！車海老同昆布湯一齊煮至7成熟加上蝦籽同蝦膏，口感滿分；石垣貝帶淡淡海水味，口感爽脆；三文魚籽丼嘅三文魚籽經醬油漬調味更顯鮮甜，仲帶啲柚子香氣。
𖦹 Chef’s Specialties
毛蟹非常新鮮，入口鮮甜；鹽麴燒赤鯥魚調味恰到好處，令魚味更上一層樓。
𖦹 Japanese Omelette
玉子燒用上江戶前嘅方法製成，混入咗魚肉和蝦肉，表面呈金黃色，質地蓬鬆細密，入口濕潤軟香甜，蛋味香濃，令人食唔停口。
𖦹 Seafood Miso Soup
食到最後飲返碗湯，係足料嘅海鮮味噌湯，味道鮮甜。
𖦹 Seasonal Fruit
以時令水果作結，堪稱完美嘅一餐。
張貼
