鮨政

營業中

休息中

呢個鮨由香港仔時期已經認識，可惜太唔就腳，一直無緣。而家近近地上環就食到，當然要會一會。典型鮨店格局，吧枱唔吧枱都得，唔一定局你 omakase，豐儉由人。壽司拼盤 特上 $480特上真係唔係求其比幾件你，全部腩位真材實料，大吞拿魚腩、中吞拿魚腩、三文魚腩、油甘魚腩都好肥美。金目鯛同鰻魚炙燒一流。牡丹蝦、海膽、帶子新鮮爽甜。仲有三文魚子同蔥吞拿魚腩細卷非常豐富。蝦頭可以炸或加錢轉湯，要食盡蝦頭既味道，湯係一個好選擇。抹茶麻糬冰淇淋 $68好有驚喜，外皮稍有炙燒，香脆。中間抹茶冰淇淋配麻糬，口感滿分。火炙蟹棒$30有火炙香加沙律醬加持，人見人愛。三文魚牛油果卷 $48雖然三件唔會話多，但件件都好大，淨係睇大粒牛油果已經知道。