鮨鶴日本料理 (已結業)

近來天氣太熱餐餐都好想食啲涼嘅嘢，同埋另一半近排愛上咗食廚師發板，今日去開灣仔，就試下呢間位置極低調嘅鮨鶴！今晚點嘅係 15種加卷物，每位1200蚊另收加一。前菜有好香滑嘅腐皮，清清的北海道果茄，鮮甜嘅海螺，仲要連佢個肝都食得，仲有原隻燒好多膏嘅螢光魷魚。跟住就係食刺身，有鮮甜無比的北海道真蠔，爽口彈牙嘅粒貝同赤貝，金目鯛，白蝦，真鯛白子，唔腥好滑溜。然後就有多款壽司，包括金鯛，深海池魚，鰹魚，牧丹虾，拖羅，赤身，北海道馬糞海胆，吞拿魚蓉等等，款款壽司都細細件，鮮嫩滑溜！食完咁多野，飲返個鯛魚湯，店員話係用左超過7種魚煲架，不濃不稠岩岩好，好清甜！最後來一小道甜品，蠻有芝麻香的黑芝麻雪糕作結。成餐飯食左2小時有多，乃難得的休閒用餐，放慢了一下步伐靜靜享受。