蟹仙海鮮蒸碢大公館

營業中

休息中

好朋友今個月生日,佢喜歡食海鮮，我請佢去食蒸海鮮，蟹仙海鮮蒸碢大公館主打蒸氣火鍋，配以各種新鮮時令海鮮以蒸氣石鍋方式蒸海鮮，令海鮮保持原汁原味。餐廳設有多種不同配搭的套餐，豐儉由人，亦可以散叫。我哋揀咗其中一個尊貴海鮮套餐，一共有九款海鮮和一個有機蔬菜籃。海鮮會因應時令和當日供應為準，務求有最新鮮嘅海鮮供客人享用。所有食品都係由店員在客人面前蒸，蒸嘅時間計算亦準確。蒸海鮮前，店員會先將粥底食材放入鍋內，再放上蒸架開始蒸海鮮。韓國釜山鰻魚：鰻魚厚肉冇骨，口感脆彈。野生膏仔蟹：蟹膏呈鮮黃色，味道甘香鮮美。澳洲青年龍蝦：龍蝦肉幼嫩鮮甜，爽口彈牙， 蝦頭還有鮮甜蝦膏。台灣九孔鮑魚：口感比較紮實、有嚼勁。韓國斧山珍珠蠔：味道鮮美冇腥味。紐西蘭刀貝蚌肥美肉甜。大西洋野生青口味道鮮甜。加拿大野生虎蝦鮮甜彈牙。蟹皇大元貝，加咗蟹皇嘅大元貝鮮上加鮮，鮮甜味十足。有機蔬菜籃，蒸蔬菜是最好保持蔬菜營養，食落十分清甜。食完海鮮就可以食粥底，店員加入蔥花菜脯可以增加口感，粥底綿滑，因為蒸海鮮嘅精華滲入鍋底粥內，味道非常鮮甜。最後仲有甜品送，椰汁雪燕，雪燕有滋陰潤肺，有益健康。