340
9
14
| 餐廳: | 蟹仙海鮮蒸碢大公館 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
主打蒸氣火鍋，配以各種新鮮的海鮮，當中以「刁鑽海鮮套餐」最為吸引，包括東星斑、龍蝦、鮑魚、貴妃蚌等，十分豪華。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
-
網上訂座服務暫停
優惠
56折
海龍皇海鮮套餐 (1位用，2位起) |一次品嚐多款精選海鮮
$428
$778
入門口就見到勁大隻蟹，食蒸氣鍋真係唔可以少咗蟹同埋龍蝦。餐廳嘅食材極新鮮，講明係生劏，你睇啲膏嘅顏色都知係真，唔會搵啲冰鮮貨敷衍你。雖然餐廳有豉油俾你點，但老實講食豉油都只係冚住浸味。食完覺得自己健康咗，最正係個粥吸收晒啲精華，食得出一啲味精都冇，但係真係食唔晒打包返屋企。最後不得不提餐廳送嘅甜品椰汁燉雪燕，真係要讚返一句「唔係好甜」，入口舒服。‣ 尊貴海鮮套餐 $449· 野生膏仔蟹膏仔蟹嘅蟹膏濃郁得嚟唔膩，真係每一啖都係享受。蟹肉嫩滑多汁，蒸完之後真係令人食指大動，同朋友兩個人都唔出聲好努力咁樣拆蟹慢慢食。· 韓國釜山野生鰻魚蒸鰻魚真係比較少食啲，本身都好擔心會唔會好腥，但結果都幾出乎意料，會食到鰻魚本身嘅油脂香，主要都係點Wasabi食。· 澳洲青年龍蝦個龍蝦真係不得了，特別係個膏，相當之香。龍蝦肉結實鮮甜，又蒸得啱啱好。見到隔離枱嗌咗個龍蝦刺身，望到覺得勁吸引，下次嚟應該會試吓。· 秘製原隻南非乾鮑雖然係乾鮑，燉得都尚算軟腍入味，咬落去有啲嚼勁又唔會好硬。· 加拿大野生海虎蝦虎蝦就真係相當新鮮，肉質彈牙我諗都唔使再重覆講，唔建議點豉油食，就咁食先對得住佢。· 黃金翡翠螺翡翠螺真係算得上啖啖肉，計好晒時間蒸出嚟，所以口感彈牙又唔會話覺得好嚡，唔會浪費咗個螺，亦絕對唔需要你咬得好辛苦，又帶啲天然嘅海水鹹香。· 蟹皇大元貝由於我唔食蠔，所以餐廳俾多咗兩隻大元貝我，我好慶幸我係揀咗大元貝，蟹嘅鮮味極之濃郁，而元貝嘅貝肉好甜。雖然大部份人都唔會食元貝嘅內臟部份，但係我覺得嗰個部份超好食，見到個元貝咁乾淨，最後我決定連埋裙邊一齊食。· 有機蔬菜籃食晒啲海鮮就會開始蒸蔬菜，都係不外乎娃娃菜、唐生菜、粟米等等呢啲大家都一定鍾意食嘅蔬菜，蔬菜本身都好新鮮，最後連埋啲粥一齊食真係冇得彈。
繼續閱讀
新鮮海鮮當然係蒸先食到食原汁原味😋最喜歡嘅主菜😆 龍蝦啖啖肉結實又彈牙仲好鮮甜🦞😋店員先送上6款新鮮海鮮：🔸加拿大野生海虎蝦🔸黃金翡翠螺🔸蟹皇大元貝🔸野生青口🔸韓國釜山蠔🔸野生鰻魚頭盤係自家製南非乾鮑，鮑魚結實味道偏淡，可以一試。全程由店員主理，我哋只係負責坐響到食😆時間同温度由店員控制，食緊嘅同時蒸下一款，熱辣辣出爐👍🏻🔸蟹皇大元貝自家製蟹皇醬超鮮甜！配搭大元貝上鮮味倍增😋🔸野生青口店員話青唔呢條鬚鬚「足絲」係野生青口嘅象徵，因為青口要抓實堅硬嘅物件防止被海水沖走。食落真係充滿海水味，完全唔洗點豉油~最後兩道海鮮：🔸澳洲龍蝦🦞🔸菲律賓奄仔蟹🦀🔸菲律賓奄仔蟹🦀大大隻奄仔蟹肉鮮嫩唔會蒸過龍，蟹膏仲好甘香。跟餐有少少蔬菜🥬，食到呢到已經好飽🤭全晚蒸海鮮嘅精華就響晒呢煲粥到🤩 用豬骨、粟米、粟子同頭先蒸嘅海鮮精華煲成嘅粥。男友仲特登拆埋隻蟹腳做海鮮粥😆 飽都食咗兩碗🤭海鮮蒸鍋有唔同價位，今次我哋食$449一位嘅套餐，以新鮮海鮮、服務親切又全程唔洗自己落手蒸嚟講，可以返轉頭👍🏻🐾貓奴足跡🐾🌐蟹仙海鮮蒸碢大公館 (銅鑼灣)📍銅鑼灣謝斐道500號維安商業大廈地下至1樓
繼續閱讀
蟹仙海鮮蒸鍋大公館餐廳海鮮每日新鮮到港，時令海會因應當日空到港為準，經OpenRice訂枱，仲有刺身餸尊貴海鮮套餐原價898，緊特價每位449 ，半價嘅優惠，性價比極高，仲有九款食材，食完海鮮之後仲有好鮮甜嘅排骨粥底野生膏奄仔蟹（菲律賓野生奄仔蟹）肉質潔白細緻，口感滑嫩帶彈性，鮮甜中透出淡淡海水鹹香，野生環境以藻類為食，蟹膏呈淡青綠色，質地綿密如乳酪，入口即化，味道濃郁甘香，帶有藻類的清新，毫無腥膩感，原汁原味，蟹肉鮮甜與綠膏醇厚， 尤其綠膏奄仔蟹更是季節限定的珍稀之選韓國釜山野生鰻魚鰻魚厚身，肉質緊緻彈牙，油脂豐潤如凝脂，入口鮮甜濃郁帶海味，內裡嫩滑多汁，脂香鮮嫩，肉感更紮實，無需醬汁，齒頰留香原汁原味澳洲青年龍蝦肉質雪白飽滿，口感爽脆彈牙，甘甜與濃郁鮮味，蝦膏豐腴醇厚，帶奶油般滑順質地，餘韻綿長，清蒸時汁水清甜，澳龍肉質更緊實秘製原隻南非乾鮑鮑魚厚實軟嫩，吸飽秘製醬汁的精華，入口鮮香濃郁，帶有淡淡的海味甘甜，冬菇肥厚多汁，鮑魚的鮮美，質地柔滑細膩，醬汁醇厚馥郁，層次豐富大西洋野生青口肉質飽滿肥嫩，入口鮮甜爆汁，帶有鮮甜回甘味，貝肉彈牙爽脆，野生風味更濃郁，清蒸非常清甜加拿大野生海虎蝦蝦肉結實飽滿，口感爽脆彈牙，自帶濃郁鮮甜與淡淡海水甘香，蝦膏豐腴醇厚，肉質更緊實，鮮味更純，簡單清蒸已足顯霸氣鮮美韓國釜山蠔蠔肉肥嫩飽滿，入口即爆鮮甜汁液，帶有海水鹹鮮，清蒸後保留原汁原味，肉質滑嫩如豆腐，蠔肉緊實彈牙，蠔香新鮮回甘黃金翡翠螺翡翠螺肉厚肥實，螺味濃郁，口感爽脆，帶有微微嘅海水味，配埋豉油一齊食，能夠增添風味蟹黃大元貝元貝鮮味十足，肥嫩又大粒，肉質滑嫩彈牙，頂部蟹膏甘醇濃郁，鮮味層層疊加，入口先嚐到元貝的清甜，後湧現蟹膏的豐腴，鮮上加鮮有機蔬菜籃娃娃菜翠嫩清甜，菜葉柔軟無渣，蒸煮後汁水飽滿，生菜，口感爽脆多汁，清蒸後還保留脆度，粟米，顆粒飽滿金黃，甜脆多汁，蒸煮後甜味濃郁粥底有排骨粒，蔥花菜譜，粟米粒，芋頭粒，粥底綿密如綢，飽吸龍蝦，蟹膏等海鮮蒸製時滴落的原汁精華，每一口都蘊含海洋鮮甜，米粒熬至開花，入口先嘗到粥水的海鮮醇厚鮮味
繼續閱讀
唔係第一次嚟蟹仙，但佢哋對海鮮嘅選材同處理依然令人印象深刻。佢地既海鮮以即日新鮮空運為主，當中唔少都係市面上較罕見嘅品種當晚供應包括野生膏仔蟹、釜山野生鰻魚、琵琶龍蝦、南非原隻乾鮑、海虎蝦、蟹皇大元貝、釜山蠔、黃金翡翠螺等。原定嘅大西洋青口因當日缺貨，由蘇格蘭蟶子代替最大特色係蒸煮方式——採用竹制蒸籠，透氣性佳，能保留食材水分同時鎖住鮮味。全程由店員控制火候與時間，蒸好即上枱，過程既有儀式感，亦避免過熟，讓海鮮保持最佳狀態。海鮮本身已極為鮮甜，毋須過多調味或醬汁，單靠天然鹹香已足夠突出層次蒸煮過程中，海鮮嘅鮮味會自然流入下層，最後會加入米煮成一鍋海鮮粥。精華盡收，米粒吸盡鮮味，口感綿密 。餐後會送上椰汁雪燕，清潤解膩，帶椰香但不過甜
繼續閱讀
今次同朋友試咗銅鑼灣「蟹仙海鮮蒸碢大公館」嘅二人餐，真係驚喜滿分！老闆親自挑選入貨，海鮮全部生猛到識郁🦀🦞，店員仲會細心教你每款海鮮嘅最佳食法，服務貼心到爆💯 ✨「魚非紅寶孔雀鮑魚二人餐」✨ 原價$2576，而家半價$1288就食到13款高質食材，抵到爛啊！ 🔸頭盤「涼拌藤椒鮮魚皮」超開胃，麻香爽脆 🔸主角「三頭鮑魚」用清酒蒸，鮮甜彈牙到犯規🍶 🔸「野生膏仔蟹」爆膏程度睇到流口水，蟹膏甘香到癲 🔸「琵琶龍蝦」同「加拿大海虎蝦」肉質結實鮮甜，完全唔霉 🔸「韓國釜山蠔」肥嘟嘟一啖爆汁，「蟹黃大元貝」仲有滿滿蟹膏🔸尾聲仲有「黑安格斯牛」同「蟲草花雞」平衡味蕾，完美收尾🍗 🔸最後蒸海鮮啲精華跌落晒煲粥度，最後再食返碗海鮮排骨粥！真係超滿足！✨小貼士：用現金或者八達通埋單仲可以送椰汁燕窩環境坐得舒服，店員成日主動換碟加茶，最正係蒸爐自帶計時器蒸海鮮⏳，唔驚過火候！今次半價優惠真心抵，食完仲回味緊啲鮑魚同膏蟹😍 海鮮控必試！
繼續閱讀