蟹仙海鮮蒸氣石碢

營業中

休息中

蟹仙海鮮蒸氣石碢今日同事聚餐嚟咗位於油塘鯉魚門嘅蟹仙海鮮蒸氣石碢。海鮮蒸氣石碢係指將新鮮海鮮例如係螃蟹、魚、貝類等多種海鮮蒸熟。蒸熟期間，海鮮嘅鮮汁會流落下面個粥底到，最后就可以品嚐充滿鮮味嘅粥底～粥底會帶有唔同海鮮嘅鮮味。加拿大大赤蝦：大赤蝦鮮甜又鮮嫩。蝦膏好多，味道又香又濃郁。韓國釜山珍珠蠔：珍珠蠔味道鮮美且濃郁。韓國釜山珍珠蠔係一種具豐富風味嘅蠔類，肉質鮮嫩，有濃郁嘅海水味，令人回味無窮。台灣九孔鮑：鮑魚鮮嫩，具有柔軟而有彈性的口感。大西洋野生青口：野生青口係出面比較難食得到，青口大大粒，有濃濃嘅海水味，口感鮮嫩多汁。刀貝：刀貝係一種扇貝類，味道鮮甜，有點彈性。台灣龍躉片：龍躉片好滑，好新鮮，食落好有鮮味。琵琶龍蝦：佢外形好特別！濃蝦肉晶瑩剔透，食落富有鮮味，又帶點彈牙，非常好食。奄仔蟹：隻蟹好多膏，而且係比較少見嘅綠膏，食落好creamy好濃郁，而蟹肉都好新鮮，食到好鮮甜。最後，經理仲請我地食糖水，今日供應椰汁雪燕糖水，好滋潤。