影片
更多
2018-03-28
468 瀏覽
蒸海鮮就食得多，呢一間小漁港都係第一次試。出地鐵行大約五分鐘就到，都成九點半，但樓面都幾多人，未至於坐滿，係呢個位置呢個鐘數都有咁嘅人流都算好好。一行入餐廳已經聞到好香嘅味，睇真啲應該係蒸籠罩加埋啲海鮮味。樓面裝修正常，屬於舊香港嘅情懷咁，不過啲侍應姐姐服務態度真係好好，有禮貌又主動拎啲鹽焗花生同酸喬頭上台。見到我哋舉手又快速行埋嚟落單，又會主動留意客人有咩需要，加茶加水都唔駛叫自動波做埋。我哋就叫咗由廚師發板嘅粥底海鮮火鍋，免茶芥、免加一，樣樣海鮮都有，唔駛諗食乜，對於有選擇困難嘅人就最好，同埋嗰日食乜可以當日喺餐廳個facebook page睇到。開始蒸啲海鮮時，見到個罩都幾搞笑，成頂尖草帽咁，不過都感受到餐廳老闆都好有Heart，因為真係好少餐廳咁做，多數都係用玻璃煲蓋。首先食嘅就係刺身冷盤，北寄貝爽口，蝦挑走腸係基本，重點係佢好彈牙！另外仲叫咗個脆皮豆腐，外脆內軟，好好食！而第一層嘅馬友蒸嘅時間剛剛好，入口即溶，無腥味，有魚味！對於啲唔食牛羊唔食腥嘅我真係覺得好好食！仲有大連鮑魚，一個字：鮮！食食吓老闆話有個配料區，如果嫌味道清就可以重口味返。其實呢間餐廳嘅嘢味道都係清淡嘅，但
我哋就叫咗由廚師發板嘅粥底海鮮火鍋，免茶芥、免加一，樣樣海鮮都有，唔駛諗食乜，對於有選擇困難嘅人就最好，同埋嗰日食乜可以當日喺餐廳個facebook page睇到。開始蒸啲海鮮時，見到個罩都幾搞笑，成頂尖草帽咁，不過都感受到餐廳老闆都好有Heart，因為真係好少餐廳咁做，多數都係用玻璃煲蓋。
冷盤
11 瀏覽
0 讚好
0 留言
首先食嘅就係刺身冷盤，北寄貝爽口，蝦挑走腸係基本，重點係佢好彈牙！另外仲叫咗個脆皮豆腐，外脆內軟，好好食！
第一層
20 瀏覽
0 讚好
0 留言
而第一層嘅馬友蒸嘅時間剛剛好，入口即溶，無腥味，有魚味！對於啲唔食牛羊唔食腥嘅我真係覺得好好食！仲有大連鮑魚，一個字：鮮！食食吓老闆話有個配料區，如果嫌味道清就可以重口味返。其實呢間餐廳嘅嘢味道都係清淡嘅，但係可以食出海鮮就係要食佢個鮮味，其實係唔需要有其他調味。
第二層
14 瀏覽
0 讚好
0 留言
蟹蟹子
25 瀏覽
0 讚好
0 留言
蟲草蒸雞
17 瀏覽
0 讚好
0 留言
好多食評都話佢個蟲草蒸雞好食，我哋食完就覺得雞有雞味，不過有啲胸肉就蒸到比較鞋身。食到呢喥已經有少少飽，不過仲有個粥底！！好飽但個粥底煲到好綿，最後都忍唔住食晒。
蒸蟹
13 瀏覽
0 讚好
0 留言
張貼
