影片
更多
2018-09-08
52 瀏覽
朋友啱啱收工，慶祝轉新約加人工，咁緊係要食餐好既賀下佢啦，於是豪一豪，去試下酒店級既日本料理。呢間千上位於寶勒巷粵某酒店既一樓，環境舒服，唔會太多人太逼，非常啱同朋友聚會傾計。炸河蝦（左）及炸雞軟骨（右）先點兩個小食，分別係炸河蝦同炸雞軟骨，雞軟骨外層炸粉鬆脆夠薄，而且炸得好脆好香口，加上少少鹽，夠曬惹味。河蝦仔就比較淡身，炸得脆脆地，但都食到蝦仔鮮味，好啱送酒。千上魚生沙律淨係賣相都已經唔錯，有三文魚及魚子、鯖魚等，加埋少少脆米同沙律菜，脆卜卜之餘亦食到魚既鮮甜味，口感豐富。柚子南瓜煮日本南瓜加上柚子既配搭，清新甜美，而南瓜煮得夠冧夠軟，甜得嚟好特別，有少少似食緊蕃薯。刺身拼盤（三文魚*2、甜蝦*2、北寄貝*1、帶子*2）刺身質素唔錯，都幾新鮮，三文魚切得幾厚，啖啖肉，而甜蝦就夠鮮味，不過我會推薦帶子，因為師傅落咗少少檸檬皮，帶出帶子肉既甜味之外，仲有種清新既味道。烤魷魚原隻魷魚加上醬汁烤，魷魚夠乾身，而且都幾入味，魷魚鬍仲燒得香香脆脆，好啱送酒。加洲反卷*2表面鋪上唔少蟹子，入面包咗蛋、蟹柳、青瓜，加埋沙律醬，非常開胃。牛肉火鍋用上壽喜燒湯底，牛肉充滿醬油味，撈埋隻蛋同菜食，好啱
呢間千上位於寶勒巷粵某酒店既一樓，環境舒服，唔會太多人太逼，非常啱同朋友聚會傾計。
炸河蝦（左）及炸雞軟骨（右）
先點兩個小食，分別係炸河蝦同炸雞軟骨，雞軟骨外層炸粉鬆脆夠薄，而且炸得好脆好香口，加上少少鹽，夠曬惹味。河蝦仔就比較淡身，炸得脆脆地，但都食到蝦仔鮮味，好啱送酒。
千上魚生沙律
淨係賣相都已經唔錯，有三文魚及魚子、鯖魚等，加埋少少脆米同沙律菜，脆卜卜之餘亦食到魚既鮮甜味，口感豐富。
柚子南瓜煮
日本南瓜加上柚子既配搭，清新甜美，而南瓜煮得夠冧夠軟，甜得嚟好特別，有少少似食緊蕃薯。
刺身拼盤（三文魚*2、甜蝦*2、北寄貝*1、帶子*2）
刺身質素唔錯，都幾新鮮，三文魚切得幾厚，啖啖肉，而甜蝦就夠鮮味，不過我會推薦帶子，因為師傅落咗少少檸檬皮，帶出帶子肉既甜味之外，仲有種清新既味道。
烤魷魚
原隻魷魚加上醬汁烤，魷魚夠乾身，而且都幾入味，魷魚鬍仲燒得香香脆脆，好啱送酒。
加洲反卷*2
表面鋪上唔少蟹子，入面包咗蛋、蟹柳、青瓜，加埋沙律醬，非常開胃。
牛肉火鍋
用上壽喜燒湯底，牛肉充滿醬油味，撈埋隻蛋同菜食，好啱送飯。
天婦羅盛
炸物質素唔錯，炸漿脆薄，海蝦爽口彈牙，南瓜外脆內軟，加少少蘿蔔蓉落天婦羅汁，味道清爽開胃。
毛蟹粥
用上大大隻既毛蟹拆肉煲粥，加上蛋花同少少蘿蔔，粥身綿滑，好有蟹既甜味，食到啖啖蟹肉，強烈推薦。
最後店方仲送上雪糕做甜品，有豆腐、芝麻、抹茶、朱古力，雖然已經食到好飽，不過都係忍唔住食，今餐真係大滿足。
張貼
