影片
更多
2019-10-22
111 瀏覽
有朋友喺九龍灣返工， 聽佢講原來九龍灣啲工廈附近都好多隱世嘅小店，有好多好嘢食， 今次一於等埋佢收工，跟佢去食好西。今次嚟到呢一間嘅發哥粥底海鮮火鍋， 雖然格局好似茶餐廳咁， 但喺工廠區，竟然平日嘅夜晚都好多客人，證明有一定嘅捧場客， 質素都唔錯。我哋嗌咗兩個龍蝦套餐，配上多款海鮮，亦都可以揀八款嘅配料。店家好貼心，特登說明每款海鮮同肉類煮嘅時間，方便客人按時間淥嚟食，咁就唔怕熟得滯。首先出場嘅就係蒜拍青瓜同埋雞腳呢兩個前菜， 味道唔錯， 酸酸甜甜咁，作為開胃小食都ok。至於時令嘅燉湯就用上花膠、雞腳， 味道相當滋潤清甜， 對於乾燥嘅秋天，非常啱飲。蒜香青口都好好食，蒜蓉加上少少嘅辣椒，鋪係青口上面去焗，食落好有泰國嘅風味。話就話係二人份嘅拼盤， 但其實都幾大份， 海鮮嘅種類好豐富， 除咗龍蝦之外，亦都有蟶子、海蝦、多寶魚、大蜆等唔同嘅海鮮，分量亦都好足夠。龍蝦夠曬大隻，足足有手掌咁大， 而且入面啲膏多到流曬出嚟，真係好新鮮。蟶子都唔錯，非常嫩滑爽口，而蜆肉都好鮮甜，好有海水味。蟹子蝦滑質素都唔錯， 彈牙得嚟仲好香蝦味， 而且仲有啲蝦肉粒，幾有口感。安格斯牛肩肉， 肥瘦適中，而且好香牛
今次嚟到呢一間嘅發哥粥底海鮮火鍋， 雖然格局好似茶餐廳咁， 但喺工廠區，竟然平日嘅夜晚都好多客人，證明有一定嘅捧場客， 質素都唔錯。
我哋嗌咗兩個龍蝦套餐，配上多款海鮮，亦都可以揀八款嘅配料。
店家好貼心，特登說明每款海鮮同肉類煮嘅時間，方便客人按時間淥嚟食，咁就唔怕熟得滯。
首先出場嘅就係蒜拍青瓜同埋雞腳呢兩個前菜， 味道唔錯， 酸酸甜甜咁，作為開胃小食都ok。
至於時令嘅燉湯就用上花膠、雞腳， 味道相當滋潤清甜， 對於乾燥嘅秋天，非常啱飲。
蒜香青口都好好食，蒜蓉加上少少嘅辣椒，鋪係青口上面去焗，食落好有泰國嘅風味。
話就話係二人份嘅拼盤， 但其實都幾大份， 海鮮嘅種類好豐富， 除咗龍蝦之外，亦都有蟶子、海蝦、多寶魚、大蜆等唔同嘅海鮮，分量亦都好足夠。
龍蝦夠曬大隻，足足有手掌咁大， 而且入面啲膏多到流曬出嚟，真係好新鮮。
蟶子都唔錯，非常嫩滑爽口，而蜆肉都好鮮甜，好有海水味。
蟹子蝦滑質素都唔錯， 彈牙得嚟仲好香蝦味， 而且仲有啲蝦肉粒，幾有口感。
安格斯牛肩肉， 肥瘦適中，而且好香牛肉味， 鍾意食牛嘅人一定要試下。
水魷魚都幾爽口， 打邊爐又點少得佢呢。
最後食到咁上下，店員就會主動拎埋粟米、南瓜、芋頭等等嘅蔬菜配料，幫客人煮粥， 最後就可以飲埋個粥底，每啖粥底充滿海鮮嘅鮮甜味道， 令人非常飽足。
張貼
