鬼金棒牛骨辣麻拉麵 (已結業)

麵控好消息！ 以辣麻味噌拉麵打開名堂嘅東京過江龍鬼金棒，選擇喺香港率先推出品牌副線：鬼金棒牛骨辣麻拉麵，以坊間少見既牛骨湯頭作招徠，麵控們又有一個新選擇🙆🏻‍♀️🔸味玉辣麻牛骨拉麵牛骨湯頭用上多達40 kg牛腿骨熬煮，奶白色牛骨湯味道清甜濃厚，牛骨精華滲入湯頭，每一口都有濃濃鹹香🤤而且所有拉麵可以自選「麻」度及「辣」度，無論食唔食得辣，都一定會揀到一款啱食🥰味玉辣麻牛骨拉麵配上品牌自家研發新配方既幼麵，口感彈牙而掛湯力強，加上牛叉燒、安格斯牛筋、味玉同粟米仔，拼成完美組合✨🔸增量牛叉燒辣麻牛骨拉麵肉食獸必點🏅牛叉燒選用美國安格斯西冷部位，慢煮後煎香再切片，口感軟稔但充滿牛肉香氣。5大塊牛叉燒份量充足，同樣配上慢煮牛筋同粟米仔；我揀既小麻小辣帶辣勁，但唔會蓋過牛骨湯鮮甜味道，成碗湯可以飲晒🥰🔸煎餃6隻煎餃外皮煎得香脆，裏面肉餡份量剛剛好，保持肉汁！