漁匠屋

營業中

休息中

一直想試這間隱世小店，五點多去到紅橋，見到鋪頭門口掛住「準備中」木牌，在附近行左一陣，6:15PM返去漁匠屋，不用等位直入(無傳聞要等成個鐘咁誇張)。入到去望望個餐牌，簡簡單單得6款定食、一個小食、同一個飲品餐牌，我同朋友點左一號同二號定食，服務生很快就上左餐前小食煙燻芝士加一碗海藻湯，未食正餐先享受，煙燻芝士香濃美味，加上清甜海藻湯非常匹配，服務生還很貼心地提醒先吃芝士再啺湯會更有味道。定食很快就上枱，一號定食包括吞拿魚腩、海膽、蔥吞食魚腩、牡丹蝦、三文魚籽、鱆紅魚﹔二號定食包括赤身、海膽、蔥吞食魚腩、赤海老、鱆紅魚。所有用料非常新鮮，連最易出問題的海膽都鮮甜美味，海膽用桑葉盛托，反開桑葉，下面還有漬牛蒡、酸薑，配上暖暖地的紅酣飯，味道一絶。