蟹仙海鮮蒸氣石碢

營業中

休息中

一個鯉魚門之旅成就咗呢餐飯。呢日嚟到鯉魚門的牌坊附近週圍影相，突然間應見到好大好大個字“蟹仙.....”之前喺第二度食過，但估唔到鯉魚門都有了呢間餐廳，咁對各位來講，下次到鯉魚門又多一個選擇啦。而我今晚呢餐當然喺度解決喇。老闆係做海鮮批發嘅，D海鮮當然新鮮啦，睇過D魚缸.....點咗經濟的“尊貴海鮮套餐”，有埋大黃奄蟹，韓國釜山鳗魚，野生琵琶龍蝦，台灣九孔鮑魚，大西洋野生青口，加拿大野生海虎蝦，韓國斧山珍珠蠔，黄金翡翠螺和蟹皇大元貝，清楚楚話你知，你食過D乜，非常之唔錯，餐廳喺三家村碼頭隔離，裝修得好好睇睇，有包房，有大廳位，大廳亦有大大個窗望住個海景同埋來往西灣河的渡輪，非常之享受。鰻魚好厚肉，肥美，店家仲特登整咗碟wasabi 豉油來點，正吖。翡翠螺亦都好新鮮大隻同埋彈牙。食完海鮮再蒸埋有機蔬菜，仲有最最精華的海鮮粥喺底，都仲未夠，送埋個椰汁燉燕窩，滋潤養人，暑氣盡消。