影片
更多
2018-12-25
427 瀏覽
話說年中doraya引入咗日本一間鯖魚料理sabar嚟香港，感覺其實都幾搏，畢竟香港應該冇乜人鐘意鯖魚，身邊都有唔少朋友嫌腥，而今次同特食嘅朋友都係資麻地鯖魚，但食完都讚好，話唔似印象中嘅鯖魚咁嘅味😂樓上舖以居酒屋型式，兩個日廚加一個待應，而餐廳都只得一枱日本客，感覺猶如置身日本，然後狂風掃落葉式咁叫咗勁多嘢食，冇諗過佢會勁快咁出哂啲嘢食，睇嚟佢真係預你飲下嘢時一叫就有咁款😂鯖魚料理上至刺身串燒下至魚湯都有，都有微量doraya嘅吞拿魚料理。四式吞拿刺身都係一貫doraya水準，無論魚味定魚油味都重，而且質感滑滑的，仲有拖羅蓉飯添而我當然係鯖魚刺身飯啦，同平時嘅鯖魚唔同，指明係肥鯖魚，質感彈牙唔會好似一般醋鯖魚嘅硬棚棚，真係有返魚生嘅質感，加咗個刺身飯醬油撈勻食成件事超正✨而串燒有燒同炸，燒嘅揀咗其中兩款，柚子胡椒超惹味，蔥燒都唔差炸就香口啲但魚味冇燒嘅保留得咁好，但一樣嫩滑，而且又梅子醬夠開胃✨魚湯就反而一般，魚味唔重似清湯。味噌煮鯖魚就必點，記得約十年前慢煮一詞仲未出現時，已經響唔知邊間舖食到呢種燜到腍哂入哂味嘅味噌煮鯖魚，今次響呢度食得返往日果種感覺真係好開心❤️另外仲有兩款men
樓上舖以居酒屋型式，兩個日廚加一個待應，而餐廳都只得一枱日本客，感覺猶如置身日本，然後狂風掃落葉式咁叫咗勁多嘢食，冇諗過佢會勁快咁出哂啲嘢食，睇嚟佢真係預你飲下嘢時一叫就有咁款😂
鯖魚料理上至刺身串燒下至魚湯都有，都有微量doraya嘅吞拿魚料理。
四式吞拿刺身都係一貫doraya水準，無論魚味定魚油味都重，而且質感滑滑的，仲有拖羅蓉飯添
而我當然係鯖魚刺身飯啦，同平時嘅鯖魚唔同，指明係肥鯖魚，質感彈牙唔會好似一般醋鯖魚嘅硬棚棚，真係有返魚生嘅質感，加咗個刺身飯醬油撈勻食成件事超正✨
而串燒有燒同炸，燒嘅揀咗其中兩款，柚子胡椒超惹味，蔥燒都唔差
炸就香口啲但魚味冇燒嘅保留得咁好，但一樣嫩滑，而且又梅子醬夠開胃✨
魚湯就反而一般，魚味唔重似清湯。
味噌煮鯖魚就必點，記得約十年前慢煮一詞仲未出現時，已經響唔知邊間舖食到呢種燜到腍哂入哂味嘅味噌煮鯖魚，今次響呢度食得返往日果種感覺真係好開心❤️
另外仲有兩款menu以外嘅廚師推介，牡丹蝦醬油漬真係即叫即剝兼挑蝦腸，不過上到枱變常溫咁感覺就一般✨
仲叫咗個牛筋煮，冬天食暖笠笠，同之前築地都食過呢道，而呢間都煮到八成似，唯一係個味唔夠濃😌 仲有好多鯖魚料理都想試，不過當晚星期六都只係得一枱客其實唔太樂觀，希望長做長有啦😌
張貼
