餃餃餃子 (已結業)

今日收工, 嚟到鰂魚涌唯一一間日式餃子店食晚餐。心大心細唔知揀咩好, 叫個餃子盛合, 就可以一次過試到海老、 蘑菇、日本京都九條蔥、椰菜豚肉, 四款人氣餃子啦！餃子四種盛合$55 餃子煎起後馬上上檯, 外皮不厚不薄, 唔會煎得太燶, 餡料唔算非常飽滿。四款餃子之中, 呢款綠色嘅九條蔥餃子最吸引我, 香蔥餡帶點水份, 清甜爽口。蟹肉海老特長豪華餃子棒$42 餃子棒足足長180mm, 同頭先四種盛合餃子相比, 外皮更薄, 仲有黃金焦脆底, 口感唔錯, 而且啖啖蝦肉, 十分足料。蟹子沙律$20配料簡單, 就係蟹子、青瓜同沙律醬, 可惜沙律醬過多, 減半就差唔多啦。枝豆$20赤富士$22日本提子味碳酸飲品, 出奇地唔會太甜, 無藥水味, 好飲。