凱富菜館 (已結業)

夜晚係鰂魚涌，諗住行去太古城食晚飯，沿住英皇道行緊果陣，突然間有間潮州菜館係隔離，心血來潮，於是就入左去食喇😊。其實食潮州小菜，越多人食越好，因為潮州菜份量一向唔細。今日得兩個人食，所以只點左三道菜😔。分別係水瓜烙，鹵水雙拼同糖醋雙面黃。叫完野食，佢地好快就俾左碟前菜，有豆腐粒，菜甫同豬肉粒。本身係潮州人既我，食落已經覺得好有家的味道🥰。野食好快就上枱，水瓜烙好大塊，煎得好脆，蛋味好香，水瓜好夾，唔會好似某d食肆咁煮過龍出哂水，好有水準，抵贊👍🏻。鹵水雙拼可以自己揀食咩，我就叫左鵝片同豬耳。鵝片同豬耳都好夠味，再加埋豆腐，其實依碟應該叫做三拼啦😆。至於糖醋雙面黃，可能我中意食香口野既關係，略嫌個面煎得味夠脆口。不過其實都好好食，好夠風味😋。