影片
更多
2017-08-19
693 瀏覽
家中嘅小鬼，平日最喜愛就是把零食當正餐，所以趁周末有空，就一老一嫩來太古坊附近嘅「阿信屋」入貨。辦完貨後，決定步行往後面海灣街覓食。本來打算去吃小伙子至愛嘅漢堡包，不過沿路發現這間新開嘅日式外賣店「三滝」，被門外的丼物相片吸引，入內細看。牆身上掛滿食物餐牌，原來選擇都幾豐富，有刺身、壽司、卷物，另外亦有小食、沙律、自選海鮮丼及定食等供應，而且買任何飯類兩客或以上，仲可以免費外送，兩個「為食貓」決定即時轉呔。揀了蒲燒鰻魚飯 ($95)、咖喱吉列豚肉飯及小食雞骨腸各一份。蒲燒鰻魚飯以一個方形外賣盒盛載，揭開膠蓋，鰻魚雖然並非原條呈上，但亦分量十足，而且把下面嘅米飯幾乎完全遮蓋，非常吸睛，加上面層灑滿芝麻，的確誠意十足。挾起一試，鰻魚燒到有微微烤香，肉質豐滿嫩滑，醬汁濃郁，吃起來鹹甜適中。至於下面嘅飯粒，入口有米香，而且由於新鮮做起，食落夠黏夠熱，絕對可以俾個 Like。接著品嘗嘅咖喱吉列豚肉飯 ($78)，豬扒嘅炸功亦十分上乘。豬扒脂肪部分比較少，而且外層炸粉看上去有相當水準，炸得夠曬鬆脆、厚度適中。至於肉質方面，以瘦肉為主，口感非常鬆軟，汁液雖沒預期中多，但肉味尚算鮮甜。另外要特別一提以
家中嘅小鬼，平日最喜愛就是把零食當正餐，所以趁周末有空，就一老一嫩來太古坊附近嘅「阿信屋」入貨。辦完貨後，決定步行往後面海灣街覓食。本來打算去吃小伙子至愛嘅漢堡包，不過沿路發現這間新開嘅日式外賣店「三滝」，被門外的丼物相片吸引，入內細看。牆身上掛滿食物餐牌，原來選擇都幾豐富，有刺身、壽司、卷物，另外亦有小食、沙律、自選海鮮丼及定食等供應，而且買任何飯類兩客或以上，仲可以免費外送，兩個「為食貓」決定即時轉呔。
揀了蒲燒鰻魚飯 ($95)、咖喱吉列豚肉飯及小食雞骨腸各一份。蒲燒鰻魚飯以一個方形外賣盒盛載，揭開膠蓋，鰻魚雖然並非原條呈上，但亦分量十足，而且把下面嘅米飯幾乎完全遮蓋，非常吸睛，加上面層灑滿芝麻，的確誠意十足。挾起一試，鰻魚燒到有微微烤香，肉質豐滿嫩滑，醬汁濃郁，吃起來鹹甜適中。至於下面嘅飯粒，入口有米香，而且由於新鮮做起，食落夠黏夠熱，絕對可以俾個 Like。
接著品嘗嘅咖喱吉列豚肉飯 ($78)，豬扒嘅炸功亦十分上乘。豬扒脂肪部分比較少，而且外層炸粉看上去有相當水準，炸得夠曬鬆脆、厚度適中。至於肉質方面，以瘦肉為主，口感非常鬆軟，汁液雖沒預期中多，但肉味尚算鮮甜。另外要特別一提以小兜盛著的咖喱汁，既香甜又不嗆喉，用來撈飯吃超正。
至於用來過口癮的雞骨腸 ($32)，水準亦不俗，外層腸衣，咬下煙韌脆身，而且不會太鹹，香口多汁，如果想吃得豪邁一點，也可以試吓用手拿著、像吃雞脾般，既好玩又滋味。
其實等侯期間，有留意到店子星期一至五，有下午茶套餐供應，價錢非常經濟，由 $53 起，仲包沙律同紙包飲品，啱曬附近工作嘅上班族。另外晚市亦有二人套餐，下次開完 OT，唔想回家煮飯，可以嚟呢度買外賣。
張貼
