陳儀興尚潮樓 (英皇道)

營業中

休息中

陳儀興尚潮樓位於鰂魚涌, 環境高雅, 好有中國味道, 係集於潮式打冷及懷舊與新派一身, 招牌潮汕滷水, 生醃海鮮, 魚飯, 打冷, 仲有傳統潮州手工菜, 特式湯羹, 小菜等等, 仲有粿同埋甜品芋泥及反沙芋 。入座後店員立刻端上前菜同功夫茶; 我同朋友兩個見到餐牌樣樣都想食, 店趴都介紹叫咗幾款特色食品比我地。涼拌海蜇頭 - $88 呢個見幾枱客人都叫; 海蜇頭滑滑又爽脆, 咸鮮味加椒辣及麻油香味, 酸甜醒胃嘅調味醋, 清新輕盈; 都大碟, 好好味既涼拌菜。滷水拼盤 - $298鎮店陳年滷水混合各種香料去烹調各款滷水食品; 滷水拼盤有大腸、生腸、墨魚、腩肉、元蹄, 仲有放喺底嘅豆腐, 所有嘢都索晒啲滷水汁, 完全入晒味。潮式魚丸肉碎煮汕頭白 - $228 潮式魚丸口感紮實彈牙, 簡單配搭肉碎及汕頭白已經足夠, 仲加入方魚, 芹菜同瑤柱絲, 湯底鮮美而且唔會有過多胡椒味, 味道層次非常豐富。胡椒鹹菜鮮豬肚湯 - $78我好鐘意飲胡椒鮮豬肚湯, 媽咪以前成日煲的。胡椒味唔會濃到辣, 而係香, 加埋鹹菜中和個辣, 更加提升咗個味道, 鮮豬肚煲得好淋, 好好飲呀!食完嘢, 經理問下我哋覺得啲野