名代宇奈備長炭燒鰻魚飯專門店 (iSQUARE國際廣場) (已結業)

啱啱去完名古屋旅行, 好掛住當地既鰻魚飯, 好好味！見到呢間鰻魚飯專門店, 標榜以頂級備長炭燒烘, 滿心期待尊登排隊去食, 結果令人十分失望 !首先, 餐廳採用排隊制, 唔係拎飛, 都無所謂, 一早預左要排隊, 反而見到人龍比想像少, 重有d開心。等左十幾分鐘, 問題嚟啦, 店內明明大把位, 但都無安排人入座, 唔知係人手唔夠還是有心造勢呢 ? 等到開始有人唔耐煩查問, 店員才陸續安排入座, 呢個安排真的很差 !!Menu  清一色鰻魚飯, 一目了然, 價錢合理，相比日本平一截。等左一陣，期待以久既鰻魚飯終於上枱, 賣相當然不及日本精緻, 不過最令人失望既係—味道！燒烘既鰻魚, 理應香味四溢, 表皮烤得微焦, 微微酥脆, 且帶有炭香味... 但在這裡通通吃不到。此外, 這裡既鰻魚亦較多幼骨, 肉質散我自問都唔算大食, 但食完呢個飯都只係剛剛夠飽, 飯既份量比預期還少。作為一間鰻魚飯專門店，這樣質素令人失望！