Kotori_Lbird

營業中

休息中

友人知我鍾意食鰻魚，特別推介這間由日籍廚師主理的外賣店，叮囑我一定要買來試試。此店位於工商大廈內，其實都唔易搵，特登慕名來搵食證明都有一定口碑。店員識講廣東話所以請放心，他們主力雙拼套餐，即不同份量的十蔬雞肉特製烏冬＋山芋炭燒鰻魚飯，我選了細烏冬+大鰻魚。先說烏冬，由於烏冬是加了藜麥所製，口感偏煙軔，不會太軟腍，蔬菜配料真的好健康，包括蓮藕、甘荀、菇、蒟蒻、牛蒡等，我覺得頗為有趣的是加了柚子皮，少少的一絲絲柚子皮食入口竟然沒苦澀味，反而令人覺得成碗烏冬變得清新開胃。由於是開放式廚房，在等外賣時能看到製作過程，鰻魚真係用炭燒的，要知道炭燒最大的關鍵是大廚需要準確控制火喉，太少炭會不夠溫度，太多炭又會變得太高溫容易燒焦。燒過後的鰻魚連魚骨都融化，入口啖啖肉，肉質肥美厚身，而且大廚所調的秘製醬汁不是一味死甜，香甜度是剛剛好。但最令我味覺深刻的，反而是那米白色的山芋蓉，倒真是第一次食到，它的粘度強，可以有像芝士般拉絲的效果，滑溜溜的口感好特別，原來鰻魚加入山芋蓉點綴，可以有助提鮮和增加味道的層次感，小女子不才，今次真係長知識了，有誠意兼製作用心的小店，值得一推。