尚青商號 (已搬遷) 新店位置

今晚平日夜晚，特登由九龍區去灣仔搵朋友，慶祝佢生日。搵到灣仔呢一間台灣菜都幾出名。我哋大概7:30pm到，前面都五六個人等緊位。大概等咗15分鐘有位。其實有啲檯已經走咗，不過服務員可能唔夠時間執枱，所以等位時間比較耐。麻辣鴨血冬粉窩唔記得影相，係三道菜最好食嘅。辣度剛剛好，鴨血都好滑。不過滷豆乾就比較差，似普通比較鞋嘅豆腐加咗滷水汁，唔香豆乾味。另一道菜，鹽酥雞，外表幾鬆脆，不過就冇乜肉，味道都OK嘅，係略嫌冇乜肉。