スーパー丼 (駱克道) (已結業)

銅鑼灣本身都已經係一個美食天堂，但係今日我哋就會去食一間原來都經營咗七年！好好食嘅日本刺身廚師牌發板，呢一間日本餐廳仲有好多嘅丼飯畀我哋去選擇！成間餐廳嘅裝修顯露出真正日本街頭嗰種風格，充滿著和風設計，再配上透明玻璃光線充足，俾到人一種心曠神怡嘅感覺！餐廳座位亦都相當闊落亦都有l型嘅位置專門食廚師發板！今次我同朋友選擇咗唔同嘅拼盤，超級海鮮丼刺身拼盤有、拖羅、吞拿魚、油甘魚、北海道帶子、刺身大蝦！刺身全部都非常之新鮮，鮮甜！再加上每一片刺身口感都非常好夠嫩滑！中間仲有三文魚子同埋新鮮海膽，亦都非常鮮甜！之後我哋再叫咗個香煎鵝肝薄切牛扒丼、每個餐再加多20蚊就可以多一個沙律同埋日本湯！性價比高非常抵食！鵝肝入口即溶鮮滑無比！牛扒更加是高cp！好睇又好食塊塊都好嫩滑！非常高質素！再配上原隻日本生蛋！配上丼飯滋味無比！再配上和風豆腐沙律，除咗豆腐非常滑溜之外，配上芝麻醬沙律亦都好開胃！海帶亦非常好食帶有營養！銅鑼灣駱克道501號SUPERDON