譚仔三哥米線 (威靈頓街)

營業中

休息中

返工食晏時晏時間本身都緊湊，手機app落單之後等咗成廿分鐘，要催先上，等位又係咁要催先安排。終於有得食，但饑不揀食都真係食唔到，鹹到我自己加咗兩杯水都係鹹到飛起，請職員幫手，第一個女職員唔知走咗去邊，再叫多個男職員嚟，佢拎住一大杯水回應「你想我哋煮過碗俾你定係加水？煮過碗都係一樣嫁咋，都係嗰個湯，冇分別嫁」，咁就照加水囉，佢之後仲插咗對一上一下嘅筷子落碗米線到，叫我點食呢唔知。結果都係鹹到想嘔，酸菜都冇啲米線鹹，結果成碗就咁浪費咗。一直偏心食三哥多，以前好鍾意食所以食過一排酸辣素湯底，見好耐冇食就嗌下，真係當我以前未食過？呢隻鹹度簡直係煲底湯渣咁，朋友碗5少辣撈薯粉又係辣度唔正常，隔離位又上少咗個餸。總括而言，呢間中環鬧市三哥不論服務、食物質素真係每況越下，短期內都說明唔到自己再俾機會佢再食一次。