凱富菜館 (已結業)

鹽焗雞本身係客家菜黎既，要做真正既鹽焗，係要用好多鹽，鋪滿晒隻雞同個鍋黎焗好耐既，所以我覺得，呢到唔係咁做法，因為成本大，而售價低。冇理由蝕做架。最合理既解釋係，佢用鹽醃好隻雞，然後煮熟切好。咸雞同鹽焗雞，我唔咀尖，唔識分，但好唔好味都講得到既，因為呢啲都係個人感受啫。我鍾意佢鹽焗雞唔會太咸，雞肉唔會老，肥係肥咗少少，但呢啲肥皂都唔係廚師想既，唔通肥就唔要咩。邊有得撤回架？跟住伴碟既酸菜呢，頂呱呱呀，酸酸甜甜，好開胃。