東京チカラめし

營業中

休息中

一個人喺旺角趕時間，要快快脆脆食個晏，我記得呢間日本丼飯餐廳上菜速度都幾快，見到有位，入去先～有一段時間冇嚟，見到多咗新菜式，有鰻魚丼及日式野菜定食。我諗咗一陣，最後都係點咗我最鍾意嘅「鹽燒豚肉丼」，雖然套餐已經有一隻溫泉蛋，但係我再加多隻溫泉蛋，變成我喜歡的「雙溫泉蛋鹽燒豚肉丼」哈～😆餐廳仲新加咗油菜🥬，啱晒我，也點了一客，食多啲蔬菜，飲食均衡健康啲嘛～肥瘦各半嘅豚肉，以洋蔥🧅、葱及黑椒粉🧂烹煮，口感細嫩；我用筷子整穿蛋黃，睇住蛋液慢慢流出，很治癒的感覺，然後用豚肉沾上等蛋汁，配埋珍珠米一齊食😋。