哈豆

營業中

休息中

係觀塘人都知，附近工廈真係好多特色野食。例如位於巧明街上的台灣野，响呢區都算出名。逢甲鹽酥雞 $32每次都會點，好味！炸得夠乾身，唔油膩，表面有點點椒鹽調味，內裡又夠 juicy ，熱辣辣好惹味，就算爆瘡都忍唔住，唔理 lu 好香好酥脆五寶什錦醬乾拌麵 $65望落全碟都係餸，有花枝丸、貢丸、豆腐、雞翼、台灣腸、鹵蛋同生菜，仲有肉碎，每款少少，加加埋埋都頗豐盛。麵底煙煙韌韌，有麻醬同辣醬可以拌麵。撈起先食，令人諗起久違了的港式豬腸粉，唔知係俾辣到還是感動了，眼角竟然有少少淚光⋯⋯落望份量唔算太多，不過撈左麻醬會漏DD，所以其實呢個 portion 啱啱好！三彩水餃湯麵 $62有成六隻餃子，滿滿一大碗麵，仲有半隻滷蛋同生菜，認真大陣象。三彩餃子有白色原味 ，黃色粟米味，綠色韮菜味，每款兩隻。餃子皮做得幾好，有韌勁唔易穿。而三款味道當中我覺得粟米味最正，夠香甜。哈豆鮮果茶 $39見到 menu , 俾佢吸引左。實物都冇令人失望，好多生果而且味道夠濃。清甜中又帶點酸，係熱情果的味道，有驚喜。拿鐵 $32朋友話估唔到，呢間台式小店既咖啡都幾得喎，啡同奶的比例控制得宜，咖啡又夠香。