大尾篤麥師傅 (已結業)

對上一次黎燒野食已經4、5年前，今次一行十一個人又黎食麥師傅！入場前俾錢後每人就有一張飲品卡，其實都係可以換價值$8野飲，大多數係可樂類飲品。一黎會有一大盤野肉，大推牛肉粒同魷魚，超超超好食！火會由工作人員點，火超靚，燒野食非常好！食由於任食無限時關係，基本上食飽就慢慢燒，點知！當我地食飽後慢慢燒雞翼時麥師傅出現😍一黎就見我地燒雞翼燒得太慢，立即過兩手燒野食秘技俾我地知。佢話火靚時就要燒，肉要超近火，蜜糖唔洗多，3分鐘就燒完一塊扒！而拮扒秘技係用一邊燒烤叉插三下後，反轉插多下！總給而言，$120入場任燒非常抵，好彩見到麥師傅就更可以上多一堂燒烤課lol