麵三館 (已結業)

近日從友人的社交平台得知中上環開左以牛肉麵做主打的新麵館，仲做緊試業半價優惠。本身十分 • 愛吃牛的我，當然襯開心星期五相約同樣愛吃的友人(s)一齊食好野啦！筆者當日因Lunch遲左放，所以遲到（都係打工仔嘅你，應該 Know my Feel），幸好友人(s)已攞定位等我，如果唔係就有排等鳥。（由於太匆忙，所以環境相呀，人頭湧湧的場面呀，全部只能攝入眼簾，無影低）坐底當然即刻落單啦雖然係中式麵館，點單紙卻似拉麵店, 有得揀湯底、麵的硬度，配料等今次叫左新鮮手切(半熟)牛肉麵，配黑牛骨湯底，黑白芝麻同埋香蔥（牛肉加蔥花，是常識吧）黑牛骨湯底，濃而不渴喉，麵身揀左硬身，亦夠彈牙，牛肉有咬口，味道唔算重同場加映，小食1 － 糖醋炸牛腸，非常香口，加上糖醋汁，甜甜地又唔會覺得膩。小食2 － 黑滷水牛雜(牛腩、牛筋、牛肚、牛腸)，有別於坊間一般牛雜，少了一些內臟如牛心，牛膀等，但多了牛腩及牛筋，感覺更好(因為剛好我唔食那些內臟XP)，滷水非常入味，牛腩亦夠稔身，不過我最喜歡都係牛肚及牛腸，牛腸無論口感同味道都與之前的炸牛腸完全不同，鍾意食牛腸的話，絕對建議點齊2個一試。總括黎講，各款食物都係誠意