Mr. Bake (已結業)

哩日黎開灣仔食飯，對於我哩個麵飽痴黎講，次次經過快樂餅店都會買個菠蘿飽或者墨西哥黎食，不過今次經過皇后大道就發現開左哩間新麵包鋪，望落都有幾多款式揀，仲標榜無添加，自然食得放心啦。芝士貝果… Bagel 愈來愈多咖啡店同麵包店都出，不過就唔係間間都好味。哩間既芝士bagel質感煙韌，又唔會太硬身。本來以為bagel內有芝士粒，但佢只有面層既芝士粉，不過芝士味都足夠，加埋bagel本身有麵身香，所以整體都唔錯。亞麻籽紅莓… 麵包有好多紅莓！我覺得帶微微酸甜既紅莓包好適合用黎做早餐，因為酸甜味夠哂醒胃✨麵包質感帶少少硬身，有少少似法包，當然冇咁硬啦！亦有少少韌勁，鐘意有口感既朋友不妨一試！抹茶小吐司…抹茶控當然要試下啦，一個吐司真係太多，一般人建議兩人分享，不過對我黎講就岩岩好喇😜 抹茶味係清香型，卷住紅豆蓉，甜度岩岩好。麵包既質感好軟熟，唔覺唔覺就食哂嚕😂朱古力咖啡…咖啡味比朱古力味重，甜度適中，面層既奶泡好輕盈滑溜，早餐飲一杯再加個亞麻籽紅莓包真係一個唔錯既配搭！😝另外包店仲有自家製曲奇，仲有得試食嫁…我雖然冇試，不過眼見都有好多款口味，下次再去試下先。