SAKImoto bakery 嵜本 高級Shokupan專門店 (海港城) (已結業)

無得去日本，而家凡係有日本過江龍嘅店大家都應該會九秒九衝去食。有留意ig都應該成日見到呢間野，無錯，就係佢！來自大阪嘅吐司店SAKImoto Bakery 嵜本。今次叫左「極生」吐司，係採用無蛋有奶嘅製作方法。吐司上枱時已經切好左9格，唔係用來玩井字過三關，係方便用來搽上醬。麵包烘得表面脆脆的，食落有本身屬於麵包個種好香嘅麥味，質感亦都鬆軟，係好高汁嘅一塊麵包。但個醬就堅係好甜，甜到我覺得搽落塊面包度簡直係浪費左塊麵包，因為完全蓋過左麵包個味。跟麵包會配一小塊牛油，用牛油去搽會更加適合。另外叫左杯朱古力。朱古力上面有幾粒棉花糖，飲落唔算好濃既朱古力味，不過不失。總括來講，呢間性價比真係唔高，不過都一試無妨。