影片
更多
2010-01-21
22 瀏覽
第一次食mos burger,係老友"帶"我去...第二次,都係老友"帶"我去...第三次,我叻喇,識得"帶"老公去...第四次,我仲叻叻,識得"帶"媽咪去tim咯...(就係今日囉)冇錯...out out的我...之前從未食過mos burger的!(相信mos burger"紥根"响香港應該都一段時間咯呵?!)但點解我而家又會一口氣幫襯4次咁多呢?!係因為自從上次食過佢地既"吉列蝦漢堡"之後...我就對mos burger朝思夢想喇!真係好鬼誇張!個包真係好鬼軟熟好好味!而且咬落去嗰陣好鬼過癮...點解咁講?因為佢個醬汁係凍既,而個蝦係熱既,一啖咬落去,就會feel到:麵包鬆軟+凍凍地既醬汁+熱辣辣既蝦...wow...美味到呢!真係好食過麥當勞...咁當然,價錢亦都貴過麥當勞tim...不過呢...偶然食一餐半餐以慰單思之苦都ok既!!加19蚊配既炸雞搥,都得喎!唔係嚡硬un雞肉噃!又唔太油...唔錯唔錯...不過都係貴咗d囉...咁細隻既雞搥仔,要成19蚊啊...至於個粟米湯,佢唔似得一般粟米湯咁內有一粒粒既粟米...反而係成碗湯都充滿濃厚既粟米味道,個湯係比較"杰"同夠晒熱
第二次,都係老友"帶"我去...
第三次,我叻喇,識得"帶"老公去...
第四次,我仲叻叻,識得"帶"媽咪去tim咯...(就係今日囉)
冇錯...out out的我...之前從未食過mos burger的!(相信mos burger"紥根"响香港應該都一段時間咯呵?!)
但點解我而家又會一口氣幫襯4次咁多呢?!
係因為自從上次食過佢地既"吉列蝦漢堡"之後...我就對mos burger朝思夢想喇!真係好鬼誇張!
個包真係好鬼軟熟好好味!而且咬落去嗰陣好鬼過癮...點解咁講?因為佢個醬汁係凍既,而個蝦係熱既,一啖咬落去,就會feel到:麵包鬆軟+凍凍地既醬汁+熱辣辣既蝦...wow...美味到呢!真係好食過麥當勞...咁當然,價錢亦都貴過麥當勞tim...不過呢...偶然食一餐半餐以慰單思之苦都ok既!!
加19蚊配既炸雞搥,都得喎!唔係嚡硬un雞肉噃!又唔太油...唔錯唔錯...不過都係貴咗d囉...咁細隻既雞搥仔,要成19蚊啊...
至於個粟米湯,佢唔似得一般粟米湯咁內有一粒粒既粟米...反而係成碗湯都充滿濃厚既粟米味道,個湯係比較"杰"同夠晒熱!正!...不過要加3蚊...我問個餐唔要飲品轉湯得唔得...但原來唔可以架!
呢個日本北海道千層蛋糕,入口有好香既牛奶味...不過食完個包餐再食呢個蛋糕既話就會覺得幾飽下...所以搵人share會好dd...
註:
**葵芳新都會廣場新店現食滿100蚊,送以下一套4款既mos burger電話繩(送完即止架!只限葵芳新店架咋!)
**葵芳呢間d食物選擇比旺角朗豪坊同青衣城嗰間少(因為我只幫襯過呢2間,其他冇,所以冇得比較...hehe...)...但個北海道千層蛋糕價錢就平少少...朗豪坊跟餐要加19蚊...而葵芳呢間就只需加17蚊啫!
張貼
