Mr. Bake (已結業)

伯爵紅莓 ($22)麵包size都幾大，咬落感覺比較紮實，所以食完會好飽肚😂。伯爵茶嘅香味唔算太濃，配埋麵包嘅麥香，味道都唔錯，反而紅莓嘅份量有啲少，味道係好嘅，不過配落咁大嘅麵包到略為有啲不足。日式紫薯 ($12)同另一款麵包唔同，喱個包口感好鬆軟，入面饀料嘅份量都幾足。用上真實嘅紫薯蓉，味道唔算太濃同太甜，整體感覺好清新。另外仲食左抹茶乳酪 ($12)，口感同樣好鬆軟，抹茶味道偏向奶味重一點，都幾香，配埋入面嘅乳酪，味道好特別。