生記粥品專家

營業中

休息中

中環的九記牛腩河出名得很，幸好我都有機會都食過一兩次。印象中都要排番20至30分鐘先有得食。其實今日都想去食，但又落緊雨，行都行唔到，放棄左。喺行去地鐵站見到呢間，都幾多人幫襯，就試下拒。個名係清湯牛腩，原以為係牛腩最出名，但食完先知原來粥更出名。雖然有d失望，但個清湯牛筋都幾好嘅，炆得夠淋，味道清得嚟，又剛好，唔會油。個湯望落去都無乜有，初飲下有蝦子湯的清甜味，但建議要飲得快，因為耐左麵的蜆水味入左湯就唔好飲。麵質都好爽，有傳統雲吞麵店的風味。有張咭特別推薦個魚餅，煎出嚟熱辣辣，略為有d油包住，味道幾好，但略嫌薄得制，咬落去嘅口感唔夠好。坐喺到見人食生滾魚腩粥最多，下次有機會都要嚟試一試先。