影片
更多
2023-04-05
696 瀏覽
今次第一次黎沙田分店，食物飲品其實無大問題，同灣仔店質素一樣！但沙田分店既員工真係要再培訓一下！ 灣仔店都去過5-6次，不論下午或夜晚去用膳，灣仔店員工既態度及招呼都正常！但沙田店好似入左間MK local偽日式餐廳咁！ 門口大大張紙寫住9點最後入座，8點都未到仲見門口10個人都無，但拎位部機已經話暫停！入到去有個W字頭既女店長，完全唔笑咁話無walk-in! 成個餐廳得佢一位員工係將個口罩帶向下巴，可能就係想俾我見到佢臉部所流露既「真性情」啦！除左我之外，跟尾仲有另一個男客人入去問有冇位，個位W字頭女店長又響門口趕客，仲同個男客人嘈左兩句！還好當日收銀個妹妹態度友善，我朋友話都無乜人等仲有幾張枱無人坐，再入去問個妹妹佢就話可以有機會入到去，叫我地等一下，所以真係唔洗15分鐘就有位啦！所以好想杉玉既管理層睇到呢個post, 一啲態度咁差嘅員工，真係要再培訓，或者唔好再俾佢企喺門口啦，好趕客！我係杉玉同壽司郎粉絲，真係唔想見到一個咁嘅員工影響咗成間公司個brand!真心！個位店長對客嘅態度咁差，都唔方對其他同事會好得去邊！
今次第一次黎沙田分店，食物飲品其實無大問題，同灣仔店質素一樣！但沙田分店既員工真係要再培訓一下！
灣仔店都去過5-6次，不論下午或夜晚去用膳，灣仔店員工既態度及招呼都正常！但沙田店好似入左間MK local偽日式餐廳咁！
門口大大張紙寫住9點最後入座，8點都未到仲見門口10個人都無，但拎位部機已經話暫停！入到去有個W字頭既女店長，完全唔笑咁話無walk-in! 成個餐廳得佢一位員工係將個口罩帶向下巴，可能就係想俾我見到佢臉部所流露既「真性情」啦！除左我之外，跟尾仲有另一個男客人入去問有冇位，個位W字頭女店長又響門口趕客，仲同個男客人嘈左兩句！
還好當日收銀個妹妹態度友善，我朋友話都無乜人等仲有幾張枱無人坐，再入去問個妹妹佢就話可以有機會入到去，叫我地等一下，所以真係唔洗15分鐘就有位啦！
所以好想杉玉既管理層睇到呢個post, 一啲態度咁差嘅員工，真係要再培訓，或者唔好再俾佢企喺門口啦，好趕客！
我係杉玉同壽司郎粉絲，真係唔想見到一個咁嘅員工影響咗成間公司個brand!
真心！個位店長對客嘅態度咁差，都唔方對其他同事會好得去邊！
張貼