享樂烘焙

營業中

休息中

成日聽講呢間既包好好食，特登去潮聖！一入到去，真係嘩出聲，超級吸引。店內充滿各色各樣既麵包，目測都有30款以上，但每樣都擺放得好整齊，真係視覺方面加哂分！放係店中間既相信係店內銷量最高既麵包，有唔同口味既Bagel、密瓜包、Scone…不過俾我發現到有麻糬波波，所以都係試佢 買左朱古力味同芝麻味，雖然賣相唔吸引，但朱古力味真係好好食！朱古力味買果陣係微暖，所以即時食左個！佢表面脆脆地，但由於有熱力所以裡面既朱古力有輕微爆漿既感覺，加上麻糬波波煙煙韌韌既口感，層次好豐富！芝麻味就相對普通啦。由於食完覺得太好味，忍唔住買多幾個走慢慢食，下次會再買