Ukiyo

營業中

休息中

今日侄女生日，帶她出來行街。細路仔鍾意吃甜品🍮，醒起同事之前推薦尼間店的窩夫好好味，於是就來啦。位置係K11六樓，好容易搵。一入來就見到大大的落地玻璃窗，夕陽的光透過玻璃窗照射在木板上，是暖暖的日系溫馨的feel，配埋店面裝飾是有放鬆的感覺。好的環境真的可以為美食加分👍👍👍侄女點咗朱古力麻糬窩夫和最喜歡的炸薯條、炸芝士條和唐揚脆雞。我哋特地叫窩夫先上。麻糬窩夫一上來就被它的顏值吸引住，不過太大份了，兩個人分著吃都吃得好飽，不過確實是甜品愛好者的福音！大大塊的麻糬像蓋住窩夫的棉被，入口煙煙韌韌，口感好得意，而且微甜不膩。炸薯條炸芝士條和炸雞塊侄女吃得停不了口。薯條細細條，酥脆度OK。雞塊外酥裡嫩，被滿滿的醬料裹著，酸酸甜甜不覺得肥膩。炸芝士條有啲鹹，配黑松露醬味道好特別。仲點咗和風煙燻辣茄汁配慢煮澳洲和牛面頰手工義大利寬帶面。牛肉有五六塊，口感都幾厚，如果可以再嫩啲就無敵啦。義大利寬帶面有啲似陝西面的口感，厚身，蘸滿醬汁好好味！值得點！環境靚，味道正，服務態度也不錯，下次可以同朋友再來食下野傾下計。