湘聚漁樂圈 (已結業)

同朋友今日嚟到銅鑼灣想食辣野，所以就嚟到京都商場上面嘅四川餐廳試試佢！店員十分之有禮貌咁樣招待我哋，由於朋友唔係好食得辣，所以都盡量遷就佢全部食物都帶咗微辣。我地點左水煮魚同埋辣子雞，朋友都食得十分之開心！因為呢種辣都係佢可以接受嘅辣！辣子雞同其他餐廳唔同嘅地方，就係比較多雞，唔會剩係得幾粒。辣味方面，做到香中帶麻，麻中帶辣，又唔會喧賓奪主嘅感覺！其次，水煮魚裏面亦都有薯粉，令我哋相當驚喜！因為又可以一邊食飯一邊食薯粉！啱晒我呢啲選擇困難症嘅人！