兩姊妹涼皮有限公司 (柏樹街) (已搬遷) 新店位置

最近係太子新開左間涼皮店叫「兩姊妹涼皮」，顧名思義係指兩個閨蜜開既餐廳，主要買四川重慶食品。首先環境方面，店鋪較狹窄，只可以提供企位俾客人食用，主要外賣為主，營業時間下午2:30開始，憑星期一休息。其次食物方面，小編叫左招牌涼皮同四川涼麵，先講涼皮，涼皮好滑，透亮，醬汁香濃入味，食後嘴巴有麻麻既感覺，入口有酸酸辣辣既味道，充滿四川風味，至於涼麵軟硬適中，加上冷冷既醬汁好適合夏天消暑食，再者不得不提係配料，有芫茜、醋、芝麻、黃金豆、青瓜等，令整個麵更香更好食。最後價錢方面亦便宜，招牌兩姊妹涼皮25蚊，重慶涼麵25蚊，如加其他食材，例如牛肚、牛栢葉等就需另收費，份量適中，適合女士進食，男士就要加一加份量！整體而言，餐廳環境還好，食物品質優良，服務還好，價錢優良，屬平民價，不妨一試！