嫲嫲辣辣 (福榮街) (已結業)

眾所週知，都知深水埗出名多野食，難得今日黎到深水埗就梗係要週圍搵下有咩好野食啦。見到一間食麻辣既餐廳，淨係睇門口個餐牌就已經知辣味十足啦，一於入去試下啦。適逢午飯時間，吾算多人，所以吾洗等位。有客飯套餐，又有干鍋套餐，一場黎到，就每樣試一個啦。雲南花菜炒腩片好乾身，好有鑊氣，而且味濃，油都偏多。充滿風味，但可惜份量偏細。干鍋套餐-麻辣我地選左肥腸、雞件、羊肉。份量好大，兩個人都夠食，羊肉好so,鐘意羊既朋友一定鐘意，肥腸就係真好肥啦，食左兩件已經覺等好流，雞件偏乾。但係個味道就真係一流，又有辣度簡，好有四川風味。