鬼金棒

營業中

休息中

身為麻辣控嘅我，一直都好想試吓鬼金棒呢間日本拉麵店，今次經過尖沙咀終於有機會試吓啦！🟦增量叉燒辣麻味噌拉麵鍾意食肉嘅我就叫咗增量版，有好大嚿日本肥叉燒，拉麵嘅份量幾多，糖心蛋味道亦非常出色，一咬落去流心蛋黃就流晒出嚟🤩🤩拉麵有好多唔同嘅配菜，包括蘆筍同芽菜，炒過嘅芽菜清爽得嚟又有火候。湯底方面可以自己揀鍾意嘅辣度同埋麻度，我就叫左特麻特辣 ，湯底非常濃郁，好食得嚟又唔會過分辣。🟪煎餃值得一讚嘅係佢嘅餃子，即叫即煎而且皮比較薄，用嚟做小食一流！