湯火功夫麻辣燙 (已結業)

夜晚喺銅鑼灣搵嘢食見到呢間麻辣燙新開張雖然自己唔係好食得辣，但鐘意麻辣既味道既然新鋪開張，自然就走入去試下啦首先想講既係入去時既小小安排問題餐廳既收銀係喺門口位置入到去既時候已經有幾個人喺度等緊位當有人想出黎俾錢既時候，大家就塞左喺呢個位，俾錢既人想行前去俾錢，但行唔到排隊既人想退後俾位人地但又退唔到好彩我地排得前，等左兩張枱就入到去入面既環境光猛闊落落單方法係好似車仔麵咁可以揀唔同既湯、麵同埋餸先喺張紙度mark 低要啲乜嘢，再交俾職員就可以兩碗麵點左唔同既餸麻辣湯底好開胃食物既質料亦都ok不過同行既朋友就覺得午餐肉十六蚊只得一塊就唔抵另外值得一提既係個薯粉，開頭我以爲係類似三哥或者傷心酸辣粉咁既樣，但佢地既薯粉係幼身，食落有啲似韓式粉絲食完之後心有個疑問其實麻辣燙係咩地方既菜式同埋點黎因爲除左湯底唔同之外呢種將唔同食物煮成一個麵既食法令人不其然諗起車仔麵，唔知佢地係咪有關係既呢